Welbeck í læknisskoðun hjá Arsenal

Sky Sports segist hafa heimildir fyrir því að Danny Welbeck, framherji Manchester United, sé nú í læknisskoðun hjá Arsenal áður en hann gengur í raðir félagsins.

Daily Mail greinir svo frá því að Welbeck fari á láni til Arsenal sem borgar United sex milljónir punda fyrir tímabilið,

Arsene Wenger er í framherjavandræðum eftir að OliverGiroud meiddist út árið, en hann virðist nú vera að fá hjálp úr óvæntri átt.

Welbeck fékk þau skilaboð frá Louis van Gaal að hann væri ekki í framtíðaráformum félagsins og mætti finna sér nýtt lið.

Welbeck virtist vera á leið til Tottenham fyrr í dag en nú virðist annað Lundúnalið vera að landa enska landsliðsframherjanum.