United samþykkir tilboð Arsenal í Welbeck

Danny Welbeck, framherji Manchester United, er svo á leið til Arsenal eftir allt saman, en rúmur einn og hálfur klukkutími er þar til félagaskiptaglugganum verður lokað á Englandi.

Arsenal hafnaði því alfarið að hafa boðið í leikmanninn fyrr í kvöld þegar Sky Sports greindi frá því að hann væri á leið í læknisskoðun hjá félaginu.

Nú segir BBC frá því að Manchester United sé búið að taka 16 milljóna punda tilboði Arsenal í Welbeck.

Manchester United er að fá Radamel Falcao á láni frá Mónakó og þá er liðið búið að lána Chicarito til Real Madrid.