Hrækti tvisvar framan í lögreglumann

Kona búsett hér á landi á yfir höfði sér allt að sex ára fangelsi fyrir að hafa hrækt í tvígang í andlit lögreglumanns. Atvikið átti sér stað að kvöldi mánudagsins 4. júní árið 2012 við Fögrubrekku í Kópavogi. Var lögreglumaður við skyldustörf mættur til að hafa afskipti af ákærðu sem hræki í tvígang í andlit hans að því er segir í ákærunni.

Ákærða neitaði sök við þingfestingu í Héraðsdómi Reykjavíkur á dögunum. Aðalmeðferð í málinu fer fram þann 11. september. Brotið varðar 1. mgr 106. greinar almennra hegningarlaga. Þess er kraftist að ákærða verði dæmd til refsingar og greiðslu alls sakakostnaðar.