Mourinho lét boltastrák heyra það - myndir

Jose Mourinho, knattspyrnustjóri Chelsea, var spurður út í það eftir tapleikinn á móti Crystal Palace í ensku úrvalsdeildinni í dag af hverju hann lét boltastrák heyra það í uppbótartíma eftir að strákurinn var eitthvað að hangsa með boltann.

Cesar Azpilicueta vildi fá boltann þegar Chelsea var aðe reyna að jafna metin í lokin en strákurinn var ekkert að flýta sér að láta hann Chelsea-manninn fá boltann.

„Það er ekki rétt að kenna krökkum að gera svona," sagði Jose Mourinho og bætti við: „Ég fór á staðinn til að passa upp á Azpy [Azpilicueta]. Ég óttaðist að hann myndi missa stjórn á sér og hrinda stráknum eins og Eden [Hazard] gerði á síðasti ári í leiknum við Swansea. Ég sagði síðan stráknum að gera ekki svona," sagði Mourinho.

Það má sjá nokkra myndir af þessu hér fyrir neðan.