Læri­sveinn Al­freðs gafst upp og skipti um her­bergi

Lærisveinar Alfreðs Gíslasonar í þýska liðinu eru, líkt og Íslendingar, komnir í undanúrslit og mæta þar Króötum á morgun klukkan 16:45.

Það verður fimmti leikur Þjóðverja á níu dögum og alls áttundi leikur þeirra á mótinu, á tveimur vikum.

Mertens þarf líkt og aðrir eins mikla hvíld og hægt er á milli leikja og hann sá fljótt að hann gæti ekki hvílst nægilega vel í sama herbergi og liðsfélagi hans, Franz Semper, sem hrýtur einfaldlega of hátt.

„Ég veit ekki með ykkur en þegar einhver hrýtur nálægt mér þá get ég ekki sofið. Ég bara sofna ekki. Svo ég færði mig yfir í einstaklingsherbergi,“ sagði Mertens við Bild.

Hann hefði frekar kosið að geta deilt herbergi með félaga sínum, til að hafa einhvern að spjalla við og fara yfir málin á mótinu.

„En á svona móti þá þarf maður svefn. Það er alveg nauðsynlegt. Ég hef ekkert á móti Franz en þetta var mikilvægt,“ sagði Mertens.