Fjör á frumsýningu XL

Kvikmyndin XL var frumsýnd í Kringlubíói á föstudaginn. Þangað mættu leikarar myndarinnar og aðstandendur hennar og sáu afraksturinn á hvíta tjaldinu. XL fjallar um örlagakafla í ævi þingmanns sem er skikkaður í vímuefnameðferð. Í aðalhlutverki er Ólafur Darri Ólafsson og leikstjóri er Marteinn Þórsson, sem leikstýrði Ólafi Darra einmitt líka í Roklandi. Með önnur helstu hlutverk fara María Birta Bjarnadóttir, Þorsteinn Bachmann, Helgi Björnsson og Elma Lísa Gunnarsdóttir. Stefán Karlsson ljósmyndari tók myndir af frumsýningargestum.