Ég sef hjá honum þegar hann vill

Kántrísöngkonan LeAnn Rimes opnaði sig upp á gátt við fréttakonuna Nancy O'Dell hjá Entertainment Tonight. Hún tjáði sig til dæmis um hjónaband sitt og Eddie Cibrian en þau fagna tveggja ára brúðkaupsafmæli í apríl. Eddie á tvö börn með fyrrverandi konu sinni Brandi Glanville en vilja þau LeAnn ekki fara að fjölga mannkyninu?

"Jú, ég held það. Við erum búin að vera að tala um það um hríð. Hver veit?“ segir LeAnn en bætir við að þau Eddie séu ekki að reyna að eignast börn akkúrat núna. Hún segir þó að kynlíf þeirra sé afar gott. "Hefurðu séð hann? Kynlíf er hvenær sem er. Hvenær dags sem er. Hvenær sem hann vill það.“