Hæddist að nöfnum flugmannanna

Forsvarsmenn flugfélagsins Asiana Airlines íhuga nú að fara í meiðyrðamál við sjónvarpsstöð í Oakland vegna móðgandi ummæla sem nemi hjá rannsóknarnefnd um öryggi í samgöngumálum í Bandaríkjunum lét falla eftir flugslysið í San Francisco þann 6. júlí þar sem þrír létu lífið og yfir 180 slösuðust.

Í sjónvarpsviðtali við KTVU-sjónvarpssöðina sagði neminn að flugmenn vélarinnar hétu asískum nöfnum, sem hljóma á ensku,  eins og "Something Wrong" (ísl: eitthvað fór úrskeiðis) og "We Too Low" (ísl:við förum of lágt.)

Forsvarsmenn Asiana Airlains segja að orðspor fyrirtækisins hafi beðið hnekki vegna viðtalsins og íhuga nú að fara í meiðyrðamál við KTVU og nefndina.

Myndband af flugslysinu má sjá í spilaranum.