Norska þungarokkaranum sleppt úr haldi

Norska þungarokkaranum Kristian „Varg“ Vikernes hefur verið sleppt úr haldi. 

Hann var handtekinn í Frakklandi á þriðjudaginn, grunaður um að hafa skipulagt „stórfelld hryðjuverk“, eins og Vísir greindi frá fyrr í vikunni. Höfðu yfirvöld í Frakklandi fylgst með athöfnum hans á netinu um nokkurt skeið. Var þetta staðfest í samtali við fréttastofuna NRK. Sagði franski saksóknarinn Agnés Thibault-Lecuivre í viðtali við NRK að grunur hafi strax verið uppi um að hann ætti hlut í hryðjuverkunum því að hann hafði skrifað níð um gyðinga, múslima og fleiri. "Við teljum að hann hafi haft tengsl við öfga hægrimenn sem hugðu á hryðjuverk. Hann er grunaður um það. Við höfum sem stendur ekki fundið nákvæm gögn en við sjáum hvað rannsóknin leiðir í ljós," sagði Agnés.

Gögnin gátu augljóslega ekki fært nægar sönnur á aðild Vikernes þar sem að honum hefur verið sleppt. 



Kristian ,,Varg" var meðlimur í hljómsveitinni Mayhem, þar sem hann spilaði á bassa, og er saga hljómsveitarinnar vægast sagt áhugaverð. Birti Vísir í gær umfjöllun Fréttablaðsins frá árinu 2007. Vikernes afplánar enn dóm sem hann fékk árið 1994 fyrir morðið á Øystein Aarseth, gítarleikara svartmálmsveitarinnar Mayhem, árið áður.