Vill ekki yfirgefa börnin fyrir vinnuna

Breski leikarinn Damian Lewis viðurkennir að það taki á að dvelja langdvölum frá fjölskyldu sinni sökum starfs síns. Lewis hefur slegið í gegn með leik sínum í sjónvarpsþáttunum Homeland.

Lewis er giftur leikkonunni Helen McCrory og eiga þau saman börnin Manon og Gulliver sem eru sex og fimm ára gömul. „Ég var að tala við Gully um eitthvað og skyndilega, án þess svo mikið sem að líta á mig, segir hann: „Veistu pabbi? Þegar þú ert í burtu horfi ég stundum út um gluggann minn og kalla á þig og græt." Ég á erfitt með þetta. Börn vilja hafa foreldra sína nálægt. Ég held að það sé enginn sem geti komið í staðinn fyrir mann. Enginn er fullkominn, en það að vera til staðar er góð byrjun," sagði leikarinn í viðtali við Vogue.