Trúlofuð strippara

Glamúrfyrirsætan Katie Price er fljót að finna sér nýjan unnusta. Hún sleit trúlofun við Leandro Penna fyrir ellefu vikum og er nú trúlofuð fatafellunni Kieran Hayler.

Þessi 34ra ára, þriggja barna móðir tilkynnti það í gær að hún hefði játast hinum 25 ára Kieran á jóladag.

"Kieran og ég töluðum stundum um hjónaband og hann fór á skeljarnar við matarborðið á jóladag. Ég veit hvað fólk mun segja því ég hef heyrt það allt áður. En lífið er of stutt til að stökkva ekki á það sem manni finnst vera rétt," segir Katie í viðtali við breska dagblaðið The Sun.

Ef Kieran og Katie gifta sig verður hann þriðji eiginmaður glamúrbombunnar. Katie var síðast gift Alex Reid í ellefu mánuðu en þau giftu sig í Las Vegas eftir sjö mánaða stormasamt samband. Fyrir það var hún gift söngvaranum Peter Andre en hún á tvö börn með honum.

Þú gætir unnið - vertu með okkur á Facebook.