Gallafatnaður vinsæll

Eitt af aðal tískutrendum vorsins er klárlega gallaefni. Gallaefni sést til að mynda í buxum, skyrtum, pilsum, stuttbuxum og jökkum. Gallaskyrturnar eru með herralegu sniði en þó ekki þannig að það líti út fyrir að þú hafir skellt þér í skyrtu af karlinum þínum, sniðin eru kvenlegri en áður og það má með sanni segja að gallatískan sé mjög fjölbreytt og spennandi í ár. Í dag er reglan sú að það er engin regla eins og segir á vefnum Tíska.is.

Gallaefni í kjólum verður áberandi þannig að þar blandast saman hversdagstískan og kvenlegheit sem okkur finnst snilld. Nú eru útsölur í fullum gangi hér á landi og um að gera að tryggja sér gallaflíkur sem þú getur notað áfram í vor.

Hér eru nokkur dæmi beint af tískupöllunum.

Tiska.is