Vinsæll í fimmtán ár

Justin Timberlake hefur heldur betur komið sterkur til baka á tónlistarsviðið eftir sjö ára fjarveru. Þriðja sólóplata hans, The 20/20 Experience, fór beint á toppinn bæði í Bretlandi og Bandaríkjunum. Hún seldist í rétt tæpri einni milljón eintaka vestanhafs á aðeins einni viku.

Síðan hinn 32 ára poppari sló í gegn með strákabandinu "N Sync árið 1998 hefur hann jafnt og þétt náð að auka vinsældir sínar, bæði með sólóplötum sínum, kvikmyndaleik og hjónabandi sínu með leikkonunni Jessicu Biel. Á þessum árum hefur útlit hans og fatastíll tekið nokkrum breytingum eins og sjá má á meðfylgjandi myndum.