Lífið

Eyþór Ingi í teiknimynd

Tinna Rós Steinsdóttir skrifar
Eyþór verður ekki settur í neinn ofurhetjustíl í myndbandinu og þar verða engin Tomma og Jenna læti.
Eyþór verður ekki settur í neinn ofurhetjustíl í myndbandinu og þar verða engin Tomma og Jenna læti.
„Við erum ekki að fara að taka nein Tomma og Jenna læti í þessum teiknimyndum heldur verður þetta allt hófstilltara og í stíl við lagið,“ segir Tómas Ingi Ragnarsson, grafískur hönnuður hjá Pipar/TBWA auglýsingastofunni.

Tónlistarmyndband við framlag okkar Íslendinga í Eurovision-söngkeppnina er nú smám saman að koma saman og verður frumsýnt á heimasíðu Vodafone í hádeginu á föstudaginn. Hluti myndbandsins verður settur upp í teiknimyndastíl og sér Tómas Ingi um þann hluta. „Þetta verður allt dálítið tvírætt og við viljum leyfa áhorfandanum að túlka myndbandið. Teiknimyndirnar verða samt bara hluti myndbandsins og hálfgerður hugarheimur Eyþórs,“ segir Tómas. „Eyþór verður þarna teiknaður og önnur persóna líka en þetta verður ekki í neinum ofurhetjustíl eða neitt svoleiðis,“ bætir hann við og hlær.

Tómas Ingi er grafískur hönnuður en sjálfmenntaður í hreyfimyndagrafík. „Fyrir nokkrum árum varði ég sumarfríinu mínu í að leggjast yfir þetta forrit sem ég nota, komast inn í það og læra á það. Eftir það sumarfrí stóð ég svo uppi með eina teiknimynd sem ég sendi inn í myndbandasamkeppni Morgunblaðsins og vann,“ segir hann en þetta er í fyrsta skipti sem hann tekur þátt í gerð tónlistarmyndbands á þennan hátt.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.