Hreinskilinn við Cox

Courteney Cox og David Arquette standa í skilnaði um þessar mundir en það þýðir ekki að þeim sé ekki vel til vina. Cox mærði fyrrverandi eiginmann sinn í viðtalsþætti Ellen DeGeneres fyrir skemmstu og Arquette dásamaði Cox í nýlegu viðtali við People.

„Hún er einstök. Ég elska hana og hún er dásamleg og falleg manneskja. Samband okkar er gott því við komum hvort fram við annað af virðingu og hreinskilni. Það er svo einfalt,“ sagði leikarinn. Hann og Cox eiga saman dótturina Coco sem er átta ára gömul.