Gordon-Levitt bætist við leikarahópinn

Leikarinn Joseph Gordon-Levitt hefur bæst við leikarahóp framhaldsmyndar Sin City, A Dame to Kill For. Myndin er í leikstjórn Roberts Rodriguez og Franks Miller og mun skarta stjörnum á borð við Jessicu Alba, Jamie Chung, Alexu Vega, Rosario Dawson, Jamie King, Mickey Rourke, Clive Owen og Bruce Willis í aðalhlutverkum.

Samkvæmt heimildum Hitfix mun Gordon-Levitt leika Johnny, persónu sem birtist ekki í bókunum heldur var sköpuð sérstaklega fyrir kvikmyndina. Upphaflega stóð til að Johnny Depp tæki að sér hlutverkið en Rodriguez kveðst ánægður með að hafa fengið Gordon-Levitt til liðs við sig.

„Ég var mjög hrifinn af því hvernig tæknibrellur voru notaðar í fyrri myndinni, ekki til þess að láta óekta hluti líta út fyrir að vera raunverulega heldur til að skapa einstaka veröld sem er óháð raunveruleikanum," sagði Gordon-Levitt um A Dame to Kill For.