Einhleyp á ný?

Kántrísöngkonan Taylor Swift og söngvarinn Harry Styles úr strákabandinu One Direction virðast vera hætt saman ef marka má nýjustu fregnir slúðurmiðla. Parið hefur ekki farið leynt með ást sína síðan þau byrjuðu að slá sér upp fyrir tveimur mánuðum. Meðal annars fögnuðu þau nýju ári saman á Times Square í New York og kysstust fyrir framan myndavélarnar.

Ástæða þess að upp úr slitnaði ku vera strangt vinnuplan fram undan hjá stjörnunum. Swift er umsvifamikil í kántrítónlistargeiranum vestanhafs og er á fara í tónleikaferðalag en hljómsveit Styles, One Direction, er eitt vinsælasta strákaband í heiminum í dag.