Sonurinn syngur með

Hljómsveitin Sálin hans Jóns míns heldur upp á 25 ára starfsafmæli sitt með tónleikum í Vodafonehöllinni næstkomandi laugardag og flytur þar öll sín þekktustu lög. Heyrst hefur að Birgir Steinn, sonur Stefáns, verði á meðal leynigesta og hyggist syngja eitt lag.

Birgir Steinn er efnilegur tónlistarmaður og þykir fjölhæfur. Auk þess að koma fram með Sálinni tekur hann þátt í Músíktilraunum í ár, þar sem hann spilar á trommur. Einnig syngur hann og spilar á hljómborð á Muse-heiðurstónleikum innan skamms. Þess má til gamans geta að Stefán tileinkaði Birgi lag sitt Líf á sínum tíma.