Borini hefði betur verið um kyrrt hjá Roma

Umboðsmaður knattspyrnukappans Fabio Borini telur að framherjinn hefði fallið vel inn í leikstíl Roma á síðustu leiktíð.

Ítalinn hefur vægast sagt átt erfitt uppdráttar hjá Liverpool en hann gekk til liðs við enska félagið sumarið 2012.

„Ég held að Fabio hefði verið fullkominn leikmaður í lið Zdenek Zeman hjá Roma,“ sagði umboðsmaðurinn, Marco De Marchi, í samtali við útvarpsstöðina Mana Mana.

„Það var hins vegar búið að ákveða að Borini færi frá Roma. Það gerðist auðvitað í miklum flýti og aldrei gafst tækifæri til að ræða við nýjan þjálfarann (Zeman).“