Páll Óskar frumsýnir

Í dag verður stuttmyndin Fáðu já frumsýnd samtímis í öllum grunn- og framhaldsskólum hér á landi. Um stuttmynd er að ræða þar sem fjallað er um mörkin milli ofbeldis og kynlífs en leikstjóri er Páll Óskar Hjálmtýsson.

Ætlunin með myndinni er að brjóta ranghugmyndir á bak aftur og vega upp á móti áhrifum klámvæðingarinnar. Auk þess að leikstýra myndinni sá Páll Óskar um handritagerð ásamt þeim Brynhildi Björnsdóttur og Þórdísi Elvu Þorvaldsdóttur.

Verkefnið er styrkt af mennta- og menningarmálaráðuneytinu, innanríkisráðuneytinu og velferðarráðuneytinu í vitundarvakningu um kynferðisofbeldi gagnvart börnum og unglingum.