Dóttir Clints Eastwoods gengin út

Alison Eastwood, dóttir goðsagnarinnar Clints Eastwoods, gekk að eiga kærasta sinn Stacy Poitras fyrir stuttu í Calabasas í Kaliforníu.

Alison og Stacy koma fram saman í raunveruleikaþættinum Chainsaw Gang og hittust fyrir fimm árum á bar í Agoura Hills í Kaliforníu. Stacy veit manna best að maður tryggir ekki eftir á og bað Clint sjálfan um hönd Alison í tíma.

"Ég bað um leyfi hans fyrir þremur árum þegar við héldum upp á þakkargjörðarhátíðina. Ég spurði hann hvort það væri í lagi ef ég myndi biðja dóttur hans að kvænast mér. Hann horfði í augun á mér og sagði að ég þyrfti að spyrja hana að því. Ég spurði hann hvort þetta svar þýddi að hann gæfi mér leyfi og hann játaði," segir Stacy.

Þú gætir unnið - vertu með okkur á Facebook.