Vill ekki vera með sér yngri manni

Fyrirsætan Heidi Klum segist ekki geta hugsað sér að eiga í ástarsambandi við yngri mann. Klum skildi við eiginmann sinn, tónlistarmanninn Seal, í janúar á síðasta ári.

„Ég get skilið af hverju konur laðast að ungum mönnum, sannleikurinn er sá að þegar menn eldast, breytist vöxtur þeirra. Yngri menn eru í betri þjálfun og þegar fötin fjúka af er skemmtilegra að horfa á stæltan líkama. En ég er raunsæ, ég verð fertug á næsta ári. Ég gæti ekki hugsað mér að vakna við hliðina á 25 ára gömlum strák þá," sagði Klum í viðtali við Marie Claire.