Hún fylgist með þér á Facebook

Þessi sérkennilegi, óáþreifanlegi hlutur sem er kallaður kemistría eða straumar, neistar á milli konu og karlmanns er ekki ætíð vel sjáanlegur. Sumir vilja ganga svo langt að meina að karlmönnum sé því sem næst lífsins ómögulegt að átta sig á því hvenær kona sýnir áhuga. Það þurfi að stafa það ofan í þá og jafnvel oftar en einu sinni.

Við skulum því kíkja á eins og sjö atriði af vefnum Innihald.is sem eiga að gefa karlmanni það sterkt til kynna að hún hafi áhuga.

Hún fylgist með þér á Facebook

Andlitsbókin er náttúrulega heil gullnáma af upplýsingum. Ef þú sérð að hún lækar á gamla mynd eða setur komment við gömul stöðuskilaboð er hún klárlega að leita að upplýsingum sem bendir til mikils áhuga. Áhuginn á þér gerir hana forvitna um þig.

Og nú er bara að byrja að fylgjast betur með konunni sem þú hefur áhuga á. Sýnir hún þessi merki eða önnur? Ef ekki er líklega eins gott að eyða tímanum í aðra hluti.

Hún stendur nálægt þér

Eiginlega svo nálægt að þú getir kysst hana án fyrirhafnar. Prófaðu að færa þig nær henni til dæmis með því að hvísla að henni. Ef hún snýr sér til að auðvelda þér hvíslið og virðist líða vel ertu alveg með þetta. Ef hún hinsvegar færir sig frá og verður jafnvel vandræðalega þarftu ekkert að spá í hana meir.

Hún speglar þig

Svokölluð "mirror" hegðun er sögð benda til þess að viðkomandi laðist mjög að þeim sem hann, já eða hún hermir eftir, oft ósjálfrátt. Góð leið til að sjá þetta út er til dæmis í dansi.

Hún vill vita hvort þú hefur áhuga

Sagt er að konum líði ekki vel með að sýna áhuga á einhverjum nema þær finni að áhuginn sé gagnkvæmur. Þannig fara þær að senda frá sér merki eins og fitla við eyrnarsnepilinn á sér eða bíta í vörina. Ef þú grípur ekki agnið þá…

Hún spyr þig spurninga

Áhuginn lýsir sér meðal annars þannig að hún vill vita meira um þig. Miklu meira. Hún spyr þig spurninga og leggur sig fram við að halda samtalinu gangandi. Ef samtalið er farið að snúast um eins atkvæðis orð er eins gott að koma sér.

Augnsamband

Eitt skýrasta merkið um áhuga. Það er stundum sagt að ef maður horfir ekki til baka upplifi konur höfnun. Því lengur sem augnsambandið varir því meiri er áhuginn. Og ef þú veitir því athygli að ljósopið víkkar meira en vanalega hjá henni þá er áhuginn verulega mikill. Útvíkkunin kemur til vegna þess að líkaminn losar dópamín og oxytocin. Ef hún hinsvegar nær engan veginn að horfa á þig nema í örfáar sekúndur í senn skaltu sjálfur beina áhuganum annað.

Þú ert hennar

Kona vill að allir viti að þú sért hennar og engrar annarar. Hún gæti til dæmis gert það með því að koma og trufla samræður sem þú átt við aðrar konur.

Innihald.is