Miðborgarbúar krefjast aðgerða í Spennustöð

Foreldrafélag Austurbæjarskóla, nemendaráð Austurbæjarskóla og Íbúasamtök Miðborgar ætla að ganga frá Hallgrímskirkju að Ráðhúsi Reykjavíkur til að mótmælta seinagangi á framkvæmdum við Spennistöðina. Hóparnir óska einnig eftir nægu fjármagni til framkvæmda á næsta ári. Farið verður af stað frá Hallgrímskirkju klukkan 9:30 í fyrramálið, fimmtudaginn 28. nóvember. 

Spennistöðin er autt húsnæði við hlið Austurbæjarskóla. Þar á að rísa félags- og menningarmiðstöð, „meðborgarhús“, í miðborginni. Þar munu skólinn og frístundarstarfið við skólann hafa forgang að húsinu að degi til.  Húsnæðið verður svo samnýtt með ungmennum 16 til 25 ára, íbúum og félagasamtökum í hverfinu.

Verkefnið hefur verið kynnt sem tilraunaverkefni sem er ætlað að leysa áratuga húsnæðisvanda skólans og frístundahverfisins í hverfinu Miðborg. Í tilkynningunni kemur fram að á síðasta ári hafi 20 milljónum verið úthlutað til framkvæmdanna en nú þegar fimm vikur séu til jóla séu framkvæmdir ekki enn hafnar og vakin er sú athygli á að almennt sé ekki hægt að flytja fjármagn á milli ára.

Hóparnir segja að í fjárhagsáætlun Reykjavíkurborgar fyrir árið 2014 hefur verið úthlutað 20 milljónum til verkefnisins en það dugi skammt.

Hóparnir hvetja foreldra í Austurbæjarskóla til þess að sækja um leyfi fyrir börnin sín á þeim tíma sem gangan mun fara fram.