Magabolir aftur í tísku

Tískan kemur í bylgjum og hver man ekki eftir að hafa hlegið að ákveðinni tískubólu og trúað því að þessi flík væri að baki og yrði ekki vinsæl á nýjan leik.

Tískustraumarnir koma hins vegar oft á óvart og nú eru magabolirnir komnir aftur upp á yfirborðið.

Madonna gerði garðinn frægan í kringum 1980 þegar hún birtist í „crop top“ eða magabol í myndbandinu við lagið Lucky Star og var hún því brautryðjandi þessarar tískubólu sem fleiri stjörnur, til dæmis Shania Twain, Britney Spears og Christina Aquilera, féllu fyrir.