Rekinn út af næturklúbbi á gamlárs

Nick Loeb, unnusti Modern Family-bombunnar Sofiu Vergara, var hent út af næturklúbbi í Miami eftir að skötuhjúin rifust heiftarlega á gamlárskvöld.

Nick og Sofia byrjuðu að rífast eftir að þau höfðu djammað á klúbbnum í marga klukkutíma en Nick var mjög reiður yfir því að Sofia leyfði ókunnugu fólki að taka mynd af sér.

Fjórir öryggisverðir gripu Nick og hentu honum út af klúbbnum. Sofia elti hann en glæsilegur kjóll gyðjunnar rifnaði í átökunum.

Fyrr um kvöldið lék allt í lyndi og voru Nick og Sofia mjög innileg við hvort annað.

Þú gætir unnið - vertu með okkur á Facebook.