Crawford hefur engu gleymt

Tískusíðan Fashion Gone Rouge birti nýlega myndaþátt þar sem ofurfyrirsætan Cindy Crawford var mynduð af Andrew Macpherson. Myndaþátturinn var tekinn sérstaklega fyrir heimasíðuna og bar hann einfaldlega nafnið Cindy. Þar sat hún fyrir í fötum frá Giorgio Armani, DAY Birger et Mikkelsen, Calvin Klein, Acne og fleirum.

Það er deginum ljósara að hin 46 ára gamla Crawford hefur engu gleymt, en hún hefur starfað sem fyrirsæta í fjölda ára. Til gamans má geta að árið 1995 var hún sú fyrirsæta í heiminum sem þénaði mest og var valin kynþokkafyllsta kona allra tíma af tímaritinu Men's Health um árið.