Byrjar ekki vel hjá Demichelis hjá Manchester City

Manchester City keypti argentínska varnarmanninn Martin Demichelis rétt áður en félagsskiptaglugginn lokaði á dögunum og ætlunin var að styrkja vörn liðsins sem hefur ekki verið alltof sannfærandi í upphafi tímabilsins.

Þetta byrjar hinsvegar ekki vel hjá Demichelis því hann meiddist á hné á æfingu áður en hann fékk tækifæri til að spila sinn fyrsta leik. Demichelis tognaði á liðbandi í hné, hann þarf ekki að fara í aðgerð en verður frá næstu sex vikurnar.

Manuel Pellegrini, knattspyrnustjóri Manchester City, þekkir vel til Martin Demichelis sem spilaði fyrir hann hjá Málaga. Demichelis er 32 ára og 184 sm gamall miðvörður sem hefur spilað 37 landsleiki fyrir Argentínu.

Það er ekki alltof gott ástand í hópi varnarmanna City-liðsins. Fyrirliðinn Vincent Kompany er meiddur á nára og Micah Richards er að glíma við tognun aftan í læri. Þá er Matija Nastasic bara nýbyrjaðir að spila eftir ökklameiðsli.

Miðjumaðurinn Javi Martinez hefur verið að spila við hlið Joleon Lescott í vörninni og Manchester City fékk meðal annars á sig þrjú mörk á móti nýliðum Cardiff City á dögunum.