Pabbi dansar fyrir Guru

Tónlistarmaðurinn Love Guru, einnig þekktur sem Þórður Helgi Þórðarson, heldur um þessar mundir upp á tíu ára listamannsafmæli.

Lítið hefur farið fyrir Love Guru hin síðustu misseri, en í kvöld sendir hann frá sér brakandi ferskan vorslagara í tilefni afmælisins.

Lagið heitir „Phatbull" og í myndbandi lagsins má sjá sprellandi sprækan föður Gúrúsins, zumba-kennarann Þórð Örn Guðmundsson, taka dansspor eins og enginn sé morgundagurinn.

Fregnir herma að Love Guru eigi fleiri stuðlög uppi í erminni, en á Facebook-síðu hans má finna öll hans eldri myndbönd ásamt ýmsum fróðleik þeim tengdum.

En sjón er sögu ríkari, og í meðfylgjandi myndbandi má sjá og heyra það nýjasta frá listamanninum - Phatbull