760 milljóna hús fyrir mömmu

Poppstjarnan Beyonce hefur verið að skoða glæsilegt hús í heimbæ sínum Houston ef marka má nýjustu fréttir. Húsið kostar 5,9 milljónir dollara, rúmlega 760 milljónir króna.

Húsið er þó ekki hugsað fyrir hana sjálfa, eiginmann hennar Jay-Z og dóttur þeirra Blue Ivy. Ó, nei. Beyonce er að hugsa um að kaupa húsið fyrir móður sína og viðskiptafélaga, Tinu Knowles.

Húsið er stórglæsilegt í alla staði og ekki vantar salernisaðstöðuna því húsið er búið alls sextán baðherbergjum. Einnig eru tveir heitir pottar í hýsinu, sundlaug, leikjaherbergi og bíósalur.

Þú gætir unnið - vertu með okkur á Facebook.