Hef staðið mig að því að fela kynþokkann

Stórleikkonan Aníta Briem er í einlægu spalli við Lífið, fylgiblað Fréttablaðsins á morgun. Þar segir hún meðal annars frá nýjustu verkefnunum sínum og hvernig hún undirbýr sig fyrir mismunandi hlutverk.

„Núna síðast lék ég til dæmis mikinn vandræðagemling í gamanmynd og vildi því hafa mjúkar línur og ákvað því að fara í súludans og jóga í bland. Svo þurfti ég líka að vera ansi fáklædd í einni senu svo mig langaði að sjá hvað ég gæti ýtt kvenleikanum langt, vera opin, mjúk. Ég hef staðið mig að því að vernda og fela kynþokkann og kvenleikann - en konur eiga að vera konur, í öllu sínu dásamlega veldi."segir Aníta.