Vinkonur með nákvæmlega eins tattú

Það vakti athygli okkar á Lífinu að vinkonurnar Kolbrún Gígja og Bryndís Jóhannesdóttir eru með nákvæmlega eins húðflúr á líkamanum skrifað á vinstri öxlina með tengiskrift: "You'll never walk alone" . Við höfðum samband við vinkonurnar og spurðum út í gjörninginn.

"Við vinnum báðar á Hressó/Hressingarskálinn. Ég er vaktstjóri og Bryndís er barþjónn. Við kynntumst þegar hún byrjaði að vinna á Hressó sem var fyrir nokkrum mánuðum síðan en við vorum sko ekki lengi að ná saman. Við erum alveg hrikalega líkar að mörgu leiti en hún Bryndís er stelpustelpan á meðan ég er algjör strákastelpa. Við fengum okkur eins tattú á nánast sama stað vegna þess að okkur langaði í vinkonu tattú. Eitthvað sem táknar eitthvað fyrir vináttu okkar. "You'll never walk alone" er Liverpool lagið og ég sjálf er einn harðasti Liverpool aðdáandi á landinu. Ég einfaldlega lifi fyrir þetta lið og munt alltaf gera. Okkur fannst þessi setning passa einnig þar sem við munum aldrei ganga einar þar sem við höfum alltaf hvor aðra," segir Kolbrún Gígja.

Þegar við snúnum okkur að Bryndísi Jóhannesdóttur sem brosir og segir: "Heyrðu við vorum að versla í Smáralindinni og ég er búin að vera að suða um tttú mjög lengi í henni. Örugglega í hvert skiptis em við hittumst sagið ég: "Kolla mig langar svo í annað tattú" og tala rosa lengi um það en síðan segir Kolla: Heyrðu eigum við að fá okkur vinkonutattú? Ég var svo ánægð svo við hringjum og reddum okkur tíma hjá Sverri Tattú og innan við einn klukkutíma erum við komnar þangað. Við vissum þá ekki hvað við vildum fá en á endaum þá náði Kolla að tala mig inn á að fá mér "You 'll never walk alone".

"Okkur langaði bara í eitthvað sem myndi tengja okkur. Síðan erum við báðar búnar að vera að spila fótbolta síðan við vorum litlar stelpur. Okkur finnst mjög gaman að fylgjast með enska boltanum. Fyrir mér táknar þetta að ég labbi aldrei ein, hef alltaf einhvern til að styðja mig ef mig vantar hjálpa. Vini, fjölskyldu og fleiri," segir Bryndís.

Er algengt að vinkonur fái sér eins húðflúr á líkamann?

"Já veistu ég held að svona vina tattú séu alveg frekar algeng. Fólk velur sér oftast eittthvað sem táknar vináttuna og jafnvel eitthvað sem bara þeir eða þær skilja og er alveg þeirra," svarar Kolbrún.

"Já og nei. Ég þekki ekki marga sem eru með eitthvað svipað en í dag eru eignilega allir með tattú. Mér finnst þetta sniðugt ef þú átt sannan vin sem þér þykir vænt um. Ég veit allavega að ég mun ekki sjá eftir tattúinu mínu," segir Bryndis.