Hin fullkomna eggjakaka

Fjórði þáttur af MasterChef Ísland fer í loftið í kvöld á Stöð 2. Sjö keppendur standa nú eftir og eiga möguleika á því að næla sér í nafnbótina Meistarakokkur Íslands.

Keppendur sjö sem eftir eru, þau Dagbjört Inga, Gunnar Helgi, Hjalti Þór, Jenný, Mary Luz, Sigfús og Skarphéðinn þurfa að glíma við tvær þrautir í þætti kvöldsins sem reyna aldeilis á taugarnar.

Í fyrri þrautinni þurfa þau að búa til hina fullkomnu eggjaköku og fær sigurvegari þeirrar þrautar talsvert forskot á hina keppendurna. Seinni þrautin felst síðan í því að elda eitthvað nýstárlegt og frumlegt úr íslensku hráefni. Nú reynir á áhugakokkana að sýna það sem í þeim býr ef þeir vilja halda áfram að elda í stærsta sjónvarpseldhúsi Íslandssögunnar.

Sem fyrr eru það dómararnir sem ákveða hver þarf að taka pokann sinn í kvöld. Dómnefndin er skipuð Friðriku Hjördísi Geirsdóttur, sjónvarpskokki, Eyþóri Rúnarssyni, yfirmatreiðslumanni á Nauthóli og Ólafi Erni Ólafssyni, yfirþjóni á Hótel Marina.

Facebook-síða MasterChef Ísland.

Þú gætir unnið - vertu með okkur á Facebook.