Pabbi misnotaði mig

Pola Kinski, dóttir leikarans Klaus Kinski heitins, fullyrðir í sjálfsævisögu sinni Kindermund að faðir hennar hafi misnotað hana í fjórtán ár, allt frá því hún var fimm ára.

Pola segir að faðir hennar hafi borgað henni fyrir að vera kynlífsþræll hennar en Klaus lést úr hjartaáfalli árið 1991, þá 65 ára að aldri.

"Ég þagði í mörg ár því hann bannaði mér að tala um þetta. Það hrikalega var að hann sagði mér einu sinni að þetta væri vanalegt, að allir feður í heiminum gerðu þetta við dætur sínar. Þetta gerðist, hvort sem fólk trúir því eður ei. Þetta er sannleikurinn," segir Pola í viðtali við þýska tímaritið Stern.

Pola er hálfsystir leikkonunnar Nastassju Kinski. Frásögn Polu kemur henni í opna skjöldu en hún er stolt af henni að deila sögu sinni með öðrum.

"Systir mín er hetja, því hún hefur losað hjarta sitt, sálu og framtíð við þyngd leyndarmála sinna," segir Nastassja.

Þú gætir unnið - vertu með okkur á Facebook.