Já, hún var einu sinni ljóshærð

Modern Family-skvísan Sofia Vergara er búin að vera í stuði síðustu daga að rifja upp gamla tíma. Hún birti röð af myndum af sjálfri sér á Twitter síðan hún var að byrja leiklistarferilinn í Kólumbíu og það kom mörgum á óvart að hún var einu sinni ljóshærð.

Eitt af vörumerkjum Sofiu í dag er einmitt síða, dökka hárið sem gæti þess vegna verið klippt úr sjampóauglýsingu.

Sofia trúlofaðist kærasta sínum Nick Loeb á síðasta ári en ekki er víst hvenær brúðkaupið verður.

"Ég er ekki byrjuð að plana brúðkaupið. Ég planaði bara stórafmælið – fertugsafmælið mitt í Mexíkó. Rúmlega hundrað manns komu og fögnuðu með mér," sagði Sofia í viðtali í ágúst síðastliðnum.

Þú gætir unnið - vertu með okkur á Facebook.