Alveg eins og pabbi heitinn

Matilda, dóttir leikarans Heath Ledger heitins, er mjög lík föður sínum. Þetta segir Sally Ledger, móðir leikarans, í ástralska tímaritinu New Idea.

"Matilda er mjög lík föður sínum – hún er með langa limi og margt er líkt með þeim. En hún er hins vegar líka fögur eins og móðir sín – heppin stúlka," segir Sally.

"Matilda er með sama göngulag og Heath og sýnir okkur mikla virðingu," bætir Kim, faðir Heaths við.

Leikarinn dó úr of stórum skammti í janúar árið 2008, aðeins 28 ára að aldri. Hann skildi eftir sig dótturina Matildu sem hann eignaðist með leikkonunni Michelle Williams. Þau hættu saman í september árið 2007.

Þú gætir unnið - vertu með okkur á Facebook.