Charlie Sheen verður afi

Ærslabelgurinn Charlie Sheen verður afi í fyrsta sinn seinna á árinu. Elsta dóttir hans, Cassandra Estevez, gengur með sitt fyrsta barn en hún er 28 ára gömul.

Charlie staðfesti gleðifregnirnar í viðtali við David Letterman í vikunni. Hann er afar spenntur fyrir þessu nýja hlutverki.

"Ég sem afi. Dave, ég veit ekki. Ég held að heimurinn eigi eftir að brotna í tvennt. Þetta er frábært. Þetta er bara ekki titill sem ég er tilbúinn að tileinka mér," sagði Charlie á léttu nótunum.

Aðspurður hvort hann yrði góður afi stóð ekki á svörunum.

"Já, af því að ég get skilað barninu!"

Charlie eignaðist Cassöndru með æskuástinni sinni Paulu Speert. Þá á hann tvær yngri dætur með eiginkonu númer tvö, Denise Richards, og tvíburastráka með þriðju eiginkonunni, Brooke Mueller.

Þú gætir unnið - vertu með okkur á Facebook.