Við erum vinir – ekki elskhugar

Mikið hefur verið slúðrað um það síðustu daga að Íslandsvinurinn Russell Crowe sé byrjaður með hinni þokkafullu Ditu Von Teese. Russell segir það hins vegar ekki vera satt.

"Dita Von Teese er hugrökk, gáfuð, ljúf og glæsileg. Hún er vinkona mín. Hver myndi ekki vilja vinkonu eins og hana? Við erum vinir, ekki elskhugar," skrifar Russell á Twitter-síðu sína til að bæla niður þennan orðróm.

Sagan segir að Russell og Dita hafi eytt miklum tíma saman í desember og skellt sér meðal annars í nudd saman.

Russell skildi við eiginkonu sína til níu ára, Danielle Spencer, í október. Þau eiga saman tvo syni, Charles, níu ára, og Tennyson, sex ára, og hefur Russell gefið það í skyn á Twitter að þau Danielle séu að reyna að kveikja ástarlogann á ný.

Þú gætir unnið - vertu með okkur á Facebook.