Mig langar svo í litla stelpu

Leik- og söngkonan Jennifer Hudson var hress og glöð þegar myndir voru teknar af henni á Sundance-kvikmyndahátíðinni þegar nýjasta mynd hennar The Inevitable Defeat of Mister and Pete var sýnd. Á sýningunni spjallaði Jennifer við E! News um löngun sína til að eignast annað barn.

"Mig langar klárlega að eignast annað barn. Mig langar svo mikið í annað barn og David Jr. minnir mig á það á hverjum degi: Mamma mig langar í litla systur. Langar í litla systur,“ segir Jennifer. Hún eignaðist soninn David Daniel Otunga Jr. í ágúst 2009 með unnusta sínum David Otunga.