Hugh Hefner genginn út

Fyrirsætan Crystal Harris, 26 ára, og Hugh Hefner, 86 ára, giftu sig á gamlárskvöld eftir vægast sagt dramatíkina sem átti sér stað hjá þeim árið 2011 þegar brúðurin stakk af örfáum dögum eftir að þau ætluðu að ganga í heilagt hjónaband og að ekki sé minnst á alla gestina sem þurfti að afboða eftir lætin. Eins og sjá má á myndunum sem teknar voru umrætt kvöld var brúðurin klædd í fölbleikan síðan kjól og brúðguminn í svartan smóking sem er vissulega tilbreyting frá slikináttfötunum sem hann klæðist nánast alltaf. Athöfnin fór fram í Playboyhöllinni eins og hún er oftast nefnd.