Star Wars-aðdáandi og kynbomba

Kynbomban og leikkonan Megan Fox er byrjuð á Twitter og byrjar vel. Aðeins nokkrum klukkustundum eftir að hún stofnaði reikning á samskiptasíðunni opinberaði hún að hún er mikill Star Wars-aðdáandi.

Megan birti mynd af vélmenninu R2D2 sem hún er með sem stofustáss heima hjá sér.

"Er það svalt eða vandræðalegt að eiga R2D2 í raunstærð? Það er svalt, er það ekki? Er það ekki?!" skrifaði Megan við myndina.

Stjarnan eignaðist soninn Noah með eiginmanni sínum Brian Austin Green fyrir fjórum mánuðum og verður spennandi að sjá hvort aðdáendur hennar fá að sjá myndaflóð af syninum fyrst hún er loksins komin á Twitter.

Þú gætir unnið - vertu með okkur á Facebook.