Fótboltastjarna í ástarsorg

Knattspyrnukappinn Mario Balotelli er vanur því að vingast við fjöldamargar fallegar konur. Nú er Mario hins vegar í ástarsorg eftir að kærasta hans, Tabby Brown sparkaði honum.

Tabby, sem er Playboy-fyrirsæta, leiddist að fá ekki næga athygli frá Manchester City-leikmanninum og hljóp beint í arma R&B-stjörnunnar Trey Songz.

"Þetta hafði áhrif á hann. Hann varð reiður, komst í uppnám og reyndi að eltast við hana. Honum hefur örugglega aldrei verið sagt upp," segir vinur Tabby í viðtali við dagblaðið The Sun.

Mario hefur verið í tygjum við ýmsar þekktar konur en hann eignaðist sitt fyrsta barn í desember, dótturina Piu með fyrrverandi kærustu sinni, fyrrverandi nærfatafyrirsætunni Raffealla Fico.

Þú gætir unnið - vertu með okkur á Facebook.