Bubbi hættur á Facebook- reifst síðast við Egil

Tónlistarmaðurinn Bubbi Morthens er hættur á Facebook. Ekki er ljóst hversvegna þessi dáði tónlistarmaður hefur ákveðið að yfirgefa samskiptasíðuna, sem hefur raunar reynst þrautinni þyngri fyrir fjölmarga notendur Facebook sem treysta á samskiptamiðilinn þegar kemur að því að fylgjast með dægurumræðunni.

Bubbi komst reyndar síðast í fréttirnar vegna Facebook-notkunar sinnar fyrir um fjórum dögum síðan þegar dv.is greindi frá orðaskaki hans við Egil Helgason vegna greinar Kristínar Þorsteinsdóttur, fyrrum blaðafulltrúa Baugs og Iceland Express, sem birtist í Fréttblaðinu.

Þetta er í annað skiptið sem Bubbi hættir á Facebook, en hann hætti fyrir nær ári síðan og sagði þá í samtali við Vísi að hann nennti þessu ekki lengur. Viðtalið má lesa hér.

Þegar haft var samband við Bubba baðst hann undan að svara nokkru um brotthvarfið.