Thelma Ásdísar og systur hennar stíga fram

Á sunnudagskvöld halda þeir félagar Steingrímur og Jón Ársæll í sjónvarpsþættinum Sjálfstæðu fólki áfram að fjalla um sögu Thelmu Ásdísardóttur og systra hennar. Faðir þeirra og félagar hans misnotuðu þær systur frá unga aldri á hroðalegan hátt. Í spilaranum hér fyrir ofan og á sjónvarpssíðu Vísis má sjá sýnishorn úr næsta þætti. Þar ræðir Jón Ársæll einnig við hinar systurnar, Björgu, Írisi og Ruth. Systurnar ræða hvernig þeim hefur gengið að lifa af en þær voru einnig fórnarlömb þessara voðaverka á unga aldri. "Þetta er hræðileg saga sem þó verður að segja ef breyta skal þeim heimi sem við lifum í. Saga sem aldrei má gleymast," segir Jón Ársæll. Sjálfstætt fólk er á dagskrá Stöðvar 2 klukkan 19.30 á sunnudagskvöld.