Auðvitað vil ég skilja

Raunveruleikastjarnan Kim Kardashian hefur í nægu að snúast við að mæta í hin ýmsu viðtöl til að tala um ófætt barn sitt. Hjónaband hennar við Kris Humphries bar á góma í einu af þessum viðtölum.

Skilnaður þeirra er ekki enn genginn í gegn en þau voru gift í 72 daga eins og frægt er orðið. Kim og Kris gengu í það heilaga í ágúst árið 2011 og vonar Kim að skilnaðurinn fari að ganga í gegn.

"Auðvitað vil ég skilja. Hjónabandið er búið að standa yfir í næstum því tvö ár og það er erfitt því ég vil halda áfram með líf mitt," segir Kim sem á von á sínu fyrsta barni með rapparanum Kanye West.

Þú gætir unnið - vertu með okkur á Facebook.