Ekki kalla mig feita!

Söngkonan Cheryl Cole prýðir forsíðu desemberheftis tímaritsins Glamour og talar opinskátt um einelti á netinu sem hefur beinst að þyngd hennar.

"Það er ekki hægt að kalla einhvern sem er í stærð 6 feitan. Meðalkona er í stærðum 10 til 12 þannig að ef þið kallið mig feita því ég er stærð 6, og hef aldrei verið stærri en í stærð 8, eruð þið að senda röng skilaboð til kvenna," segir Cheryl í viðtali við tímaritið.

Cheryl ræðir líka um skilnaðinn við fótboltamanninn Ashley Cole sem hélt framhjá henni með fjöldamörgum konum. Cheryl er nú í sambandi með dansaranum Tre Holloway.

"Ég er ekki óheppin í ástum. Og ég er alls ekki fórnarlamb. Ég er sterk og hamingjusöm."