Seal í partíi með dularfullri konu

Tónlistarmaðurinn Seal bauð óþekktri, dökkhærðri konu með sér í hrekkjavökupartí í Hollywood um helgina. Þau klæddu sig sem körfuboltamenn, hann í Boston Celtics-búning, hún í Los Angeles Lakers-búning.

Seal hefur engar upplýsingar gefið um hver þessi fallega snót er en hann segir þau ekki vera að deita.

"Nei! Við erum bara vinir," segir Seal en hann yfirgaf partíið einn.

Seal skildi við eiginkonu sína til sjö ára, ofurfyrirsætuna Heidi Klum, í janúar á þessu ári en hún hefur þegar fundið ástina í örmum lífvarðar síns, Martins Kirstens.