Á lausu og lætur vita af því!

Fyrrverandi glamúrfyrirsætan Katie Price, líka þekkt undir nafninu Jordan, situr ekki heima í ástarsorg þó hún hafi hætt með Leandro Penna í síðustu viku.

Hún skellti sér út á lífið í London á laugardaginn í afar djörfu dressi. Það var ágætlega kalt í London um helgina en Katie var sama. Hún sýndi föngulegan barm sinn í hvítum magabol og við hann var hún í þröngum leðurbuxum og háum hælum.

Katie segir sambandsslitin hafa verið í góðu en þau Leandro voru saman í átján mánuði.

"Við erum góðir vinir og ætlum að halda því áfram. Mér þykir enn vænt um hann og trúi því að hann sé herramaður. Ég óska honum og fjölskyldu hans alls hins besta."

Leandro hefur ekki sömu sögu að segja ef eitthvað er að marka suður-afríska tímaritið Cara.

"Ég fór frá henni því hún er geðveik. Hún var að gera mig brjálaða."