Vopnaður ofurkroppur

Íslensk stúlka, Sylvía Narvaez Antonsdóttir, 24 ára, sem starfar í þjónustuverinu hjá Sixt og stundar fjarnám í Háskólanum á Akureyri, náði góðum árangri á NPC Titans Grand Prix fitnessmótinu sem fram fór í Los Angeles í Kaliforníu í Bandaríkjunum á dögunum. Sylvía sigraði í bikiní flokki og svokölluðum overall flokki þar sem hún keppti við hvorki meira né minna en 98 stúlkur í öllum flokkunum í módelfitness.

Hvernig tilfinning var að vinna? Það var frábært að vinna minn flokk en ég hafði ekki ímyndað mér að vinna allar stelpurnar sem unnu sína flokka líka. Þegar ég heyrði nafnið mitt var ég í skýjunum.

Verðlaunagripurinn - af hverju sverð? Mótshaldarinn John Lindsay nefnir mótin sín alltaf með stríðsmanna-nöfnum eins og Excalibur og Títans. Hann hefur alltaf verið með sverð í verðlaun fyrir Overall-flokkinn.

Hvernig ætlar þú að taka sverðið með heim til Íslands? Ég tek það með í flugvélinni og krossa fingur að tollurinn muni ekki gera athugasemd.

Þarftu að sækja um sérstakt leyfi? Jú, ég er búin að hafa samband við Ríkislögreglustjóra og það tekur nokkra daga að fá svar. Þeir voru með svipaðar spurningar og þú eins og úr hverju er sverðið, þyngd og efni. Sverðið er úr stáli og leðri. Það er mjög þungt, - ég get varla haldið því upprétt með einni hendi.

Hvernig undirbjóstu þig fyrir keppnina? Þar sem ég keppi í módelfitness þá reyni ég að vera í formi allt árið, síðan 10 vikum fyrir mót set ég allt á fullt og lyfti 6 sinnum í viku. Æfingarnar mínar eru allar supersett. Tek síðan 3-6 brennslur stundum á morgnana eða strax eftir æfingu.

En þegar kemur að næringu? Mataræðið mitt er mjög fjölbreytt. Ég fæ prótín úr þorski, eggjahvítum, bringum, túnfisk og nautakjöti. Kolvetnin fæ ég úr sætum karteflum, grænmeti, hafragraut, brún hrísgrjón, aspas og ósöltuðum hrískökum. Aspas er algjört æði en verst er að það er svo erfitt að finna aspas á Íslandi. Ég er yfirleitt heilu helgarnar að rúnta um milli Hagkaupa og Krónunnar að leita að ferskum aspas.

Fær fituna úr laxi og möndlum

Eftir æfingar finnst mér stundum gott að fá mér Aloe Vera King drykk sem var að koma til íslands. Fituna fæ ég síðan úr laxi, möndlum, avocado og hnetusmjöri. Ef ég er á hraðferð þá fæ ég mer oftast burrito skál á serrano. Mér finnst sterkur mexicanskur matur mjög góður.