Okkar mest spennandi verkefni til þessa

Fatahönnuðirnir og hjónin þau Gunnar Hilmarsson og Kolbrún Petrea Gunnarsdóttir kynna nýja og spennandi hönnun sína, Freebird - fimmtudaginn 1. nóvember kl. 17:00 í Þjóðmenningarhúsinu við Hverfisgötu. Línan sem er unnin með fyrirtæki í New York verður frumsýnd á íslandi.

"Freebird hafði afar stuttan aðdraganda og er okkar mest spennandi verkefni til þessa. Fyrirtæki í New York leitaði til okkar og við slógum til. Það er einstaklega áhugavert að skapa nýtt og spennandi merki frá grunni. Vörumerkið er algerlega í okkar anda og snýst um það sem okkur finnst skemmtilegast, að gera falleg föt. Við getum ekki beðið eftir að sýna línuna hér á íslandi. Það eru allir velkomnir á meðan húsrúm leyfir."



Gunnar og Kolbrún verða í viðtali í Lífinu næstkomandi föstudag.